Nasi dan emas.

Sahabat agung ne banyak ne.. buring juaaa.. mun ada soalan keluar, nda ku mnjawap.. pyh..

eh aku ada ceta bahh... nini ku pulang bceta nee. katanya bnar.. nda tau la ahh.. pembualan bh org tua-tua dulu nee..
Ceritanya begini,

Pada zaman dulu, time komputer alum kana cipta, astro pun alum, hp pn alu, mentuka pun alum, arah sbuah kampung di berunai (nama Brunei lama), di kampung aing, ada sorang kanak-kanak ne buang nasinya.. kanyang udah, nda ya mau mkn lagi.. kali nasi atu anyut la disungaii.. smpai ya tsangkut di kayu-kayu di ujung berunai.. ksian ne.. nangis nasi atuu.. kali nampak ya emas branang-ranang.. tagurnya,
“hai amas.. kn kmana ko tu yo?”
Nya emas,
“ne kn masuk berunai.. bisai ne, aman.. kn membagi jelama disini kaya..”
Kali dengan sayunya nasi membalas....

“jgn tahh.. nda ko kana hargai tu karangg.. liat tia mcm akuu.. aku ni ahh... nasi bahh, yg mengisi parut bissia.. yg membari kanyang bahh.. yang membari bissia idup.. pun bissia buang, sia-sia bahh.. apa lagi kau, amas ganya, perhiasan sajaa... duii malai, nda ku tau brapa lama bissia nyimpan..” nangis nasi tarus...

Kali emas ksian arah nasi ane,
“jgn tah sedihh.. kejam jua ahhh.. bah nda ku masuk ehh. Biar tani disini saja k?”
Smpai masa ne, arah kampung atu, nya urang, mun tuhus aingnya, ada setengah urang nampak amas atuu diaing.. tapi mun diaga, tenggelam tiaaa... yatah makanya urang lamas tuu.. urang tamakk.. apa tu nama kampung atuu... dikampung aing ya.. apa ahh.. ada amas ne blakangnya.. ntah lupaku..
nasihatnya, jangan buang nasi bahh....walaupun sebiji.. abiskan.. apa jua sebiji atuu..

dulu time mulah akong (datuk laki) ku idup, kami mkn disuapnya bahh... tinggal ja nasi sbiji, dicubitnya tuuu... katanya,
“adong ngada agas, astaa.. putul tulang mu la ngium rejeki mun kou ngada agas!”
yang membawa maksud:
“jgn buang nasi, astaaa.. patah tulangmu krg mencari rezeki mun ko membuang nasi..”

Maksudnya, mun kamu nda menghargai nasi, smpai bila-bila pun kamu cari rezeki, tetap nda dpt.. kana sumpah nasiiii!!!!